अस्पतालमा उपचारसँगै पर्न थाल्यो उजुरी

काठमाण्डु टुडे २०७१ जेठ ६ गते १:५८ मा प्रकाशित

दाङ, ६ जेठ– राप्ती उपक्षेत्रीय अस्पताल घोराहीमा सञ्चालन भएको महिला पुन: स्थापना एकद्वार प्रणालीमा उपचारसँगै न्यायको माग गरेर उजुरी आउने गरेका छन् ।
अस्पतालमा स्थापना एकद्वार प्रणालीे सञ्चालनमा आएपछि उपचारसँगै न्यायको माग माग उजुरी परेका हुन् ।

चालु  आर्थिक वर्षको अवधिमा त्यहाँ २ सयभन्दा बढी उजुरी परेका छन् । महिलामाथि हुने मानसिक, शारीरिक, यौनिक तथा सामाजिक हिंसाका घटनमा छिटोछरितो र सुलभ तरिकाले न्याय दिन थालिएपछि उजुरी पर्न थालेका हुन् ।गत आर्थिक वर्ष फागुनदेखि यो प्रणाली सञ्चालनमा आएको  हो ।

एकद्वार प्रणालीमा २ सय १५  महिलाले हिंसामा परेको उजुरी दिएका छन् । त्यसमध्ये १४ वर्षमुनिका १४ बालिका र ११  पुरुषले पनि उजुरी गरेका थिए ।

१५ देखि ६५ वर्षसम्मको विवाहित/अविवाहित महिलाहरुले हिंसामा परेको भन्दै उजुरी  दिएको एकद्वार प्रणालीकी फोकल पर्सन राधा पौडेलले जानकारी दिइन् । उनका अनुसार उजुरी गर्न आउने धेरैजसो घरेलु हिंसामा परेका महिला छन् ।

Copyright © 2016 kathmandutoday.com Department of Information Reg No:460/074/75 About Us