- शुक्रबार, ७ चैत, २०८१
वीरगन्ज , २८ वैशाख – जिल्ला प्रहरी कार्यालय पर्साले हत्याका आरोपी एक भारतीय नागरिकलाई पक्राउ गरेको छ ।
हाइड्रो पावर इन्जिनियरको अपहरण गरी हत्या गरेको आरोपमा भारत कलकत्ताका दिपाङ्गत दत्तलाई गएराति पक्राउ गरेको हो । केही महिना पहिले वीरगन्जको कैलाश होटलबाट इन्जिनियर लक्ष्मी कान्तलाई अपहरण गरी लगेको स्रोतले जनाएको छ ।
इन्जिनियर लक्ष्मीकान्तको पर्साको मनियारीमा हत्या गरिएको अवस्थामा शव फेला परेको थियो । भारतीय प्रहरीको सहयोगमा निजलाई पर्सा प्रहरीले पक्राउ गर्न सफल भएको जिल्ला प्रहरी कार्यालय पर्साले बताएको छ ।
