- शुक्रबार, १४ वैशाख, २०८१
कञ्चनपुर, २ वैशाख – सुदूरपश्चिममा देवर–भाउजूबीच सिस्नुपानी लगाएर खेल्ने विशु पर्व मनाइएको छ ।
परम्परागत रुपमा वैशाख महिनाको पहिलो दिन विशु पर्व मनाइने गरिन्छ ।
विशु पर्वका अवसरमा विदेश गएका घर फर्कने, नयाँ लुगा लगाउने, नयाँ अन्न खाने गरिन्छ । देवर–भाउजू र साली–भिनाजुबीच यस पर्वमा एकअर्कालाई सिस्नु लगाएर रमाइलो गर्ने चलन रहेको छ । सिस्नु लगाएमा रोगब्याधी नलाग्ने विश्वास यहाँको समाजमा विद्यमान रहेको छ ।
यसै अवसरमा घर निर्माण, नयाँ व्यापार–व्यवसाय सुरु गर्नका लागि उपयुक्त समयका रुपमा लिइन्छ ।
विदेश गएका घर फर्कने र दिदीबहिनी विशु पर्व मनाउनका लागि माइतीमा आउने भएकाले परिवारका सबैजनासँगै बसेर भलाकुसारी गर्ने अवसर जुटाउने गर्दछन् ।
