काठमाण्डु, ३० चैत– उद्योगमन्त्री कर्णबहादुर थापाले आगामी २० वर्षमा नेपाललाई युरोपजस्तै बनाउन सकिने बताएका छन् ।
सम्वाद डबलीमा आइतबार भएको कार्यक्रममा मन्त्री थापाले २० वर्षमा हरेक नेपालीको जीवनस्तर युरोपेली मुलुकका नागरिको दाँजोमा पुग्ने दाबी गरेका हुन् ।
‘नेपाल सम्भावना भएको देश हो’, थापाले भने, ‘यहाँको हरेक पुँजी उत्पादनका क्षेत्रमा लगानी गर्न जरुरी छ ।’ नेपाली पुँजी अनुत्पादक क्षेत्रमा लगानी भएका कारण बेरोजगारी बढेको
भन्दै उनले उद्योग स्थापना र लगानीको वातावरण निर्माण गर्न आवश्यक रहेको बताए । त्यसका लागि सरकारले आवश्यक ऐन निर्माणको काम अघि बढाएको उनको भनाइ छ ।
कार्यक्रममा मन्त्री थापाले नेपाल हाल सिमेन्ट र चिनीमा मात्र आत्मनिर्भर रहेको जानकारी दिए । उनले बन्द रहेका उद्योग धन्दाहरुको पु:न सञ्चालनका लागि सरकार लागि परेको दाबी गरे ।
‘बन्द भएका म्याग्नेसाइड, औषधि, चिनी, कपडा उद्योगहरु सञ्चालनमा ल्याउने र १० औं हजार नेपालीलाई रोजगारी सिर्जना गर्ने
संकल्प लिएको छु’ उनले भने ।