- बुधबार, ४ असार, २०८२
काठमाण्डु, २९ चैत – एमाओवादी नेता एवम् पूर्वप्रधानमन्त्री डा. बाबुराम भट्टराईले नेताहरुको कार्यशैली र आचरणका कारण कम्युनिष्टहरु जनताबाट अलग्गिने अवस्थामा पुगेको बताएका छन् ।
राजधानीमा शनिबार आयोजित एक कार्यक्रममा बोल्दै भट्टराईले नेतृत्व प्रणाली, कार्यशैली र आचरणमा सुधार नआएकाले कम्युनिष्ट भन्न पनि लाग लाग्ने अवस्था आएको बताएका हुन् ।
यब यही ढंगले अघि बढ्न नसकिने भन्दै उनले नयाँ शक्तिको रुपमा रुपान्तरित भएर अघि बढ्नु पर्ने बताए ।
नयाँ शक्ति निर्माणको प्रस्ताव औपचारिकरुपमा पार्टीमा राख्ने उनको भनाइ छ ।
माओवादी विशेष महाधिवेशन गर्ने निष्कर्षमा पुगिसकेको भन्दै भट्टराईले पार्टीभित्र र बाहिर बहस चलाउने बताए ।
