- शुक्रबार, १४ वैशाख, २०८१
काठमाण्डु, २५ चैत – एमाले भ्रातृ संगठन युवा संघ नेपालका अध्यक्ष महेश बस्नेतले काठमाण्डुका प्रहरी प्रमुख रमेश खरेलले बर्दी लगाएर राजनीति गरेको आरोप लगाएका छन् ।
धुलिखेलमा सम्पन्न संगठनको तेस्रो पूर्ण बैठकका निर्णय सार्वजनिक गर्न मंगलबार बनेपामा आयोजित पत्रकार सम्मेलनमा यस्तो आरोप लगाएका हुन् ।
एमाओवादी नेता बालकृष्ण ढुंगेललाई पक्रन चुनौति दिँदै बस्नेतले भूपू नभएर अहिलेका गुण्डालाई पक्रन आग्रह गरे । ‘प्रहरी अधिकृतले मलाई फलानो–फलानो मनपर्छ भनेर अन्तर्वार्ता दिन मिल्छ ?’ बस्नेतले भने, ‘खरेल प्रहरीको बर्दी लगाएर राजनीति गर्न खोज्दै छन् ।
आफू हिरो बन्नलाई खरेलले अरुलाई दुःख दिएको उनको आरोप छ । यसअघि सोही बैठकमा सम्बोधन गर्दै एमाले उपाध्यक्षसमेत रहेका गृहमन्त्री वामदेव गौतमले खरेलको आलोचना गरेका थिए ।
