- बुधबार, ४ असार, २०८२
काठमाण्डु, २४ चैत – प्रधानन्यायाधीशमा सिफारिस गरिएका दामोदर शर्माविरुद्ध संसदीय सुनुवाई समितिमा परेका उजुरी माथिको सुनुवायी २ दिनका लागि स्थगित भएको छ ।
सुनुवाई सोमबार बिहान ८ बजे र त्यसपछि दिउँसो ३ बजे हुने भनिए पनि अन्तिम समयमा आएर चैत २६ गते दिउँसो १ बजेसम्मका लागि सारिएको हो ।
विभिन्न ठाउँमा कुटी बनाउने नाममा आर्थिक अनियमितता गरेको र आफ्ना भतिजा मनोज शर्मालाई नातावादका आधारमा पुनरावेदन अदालतमा न्यायाधीश बनाएको आरोपमा उजुरी परेको छ ।
सचिवालयले शर्माविरुद्ध उजुरीका लागि हिजोसम्मको समय दिएको थियो ।
संवैधानिक परिषद्ले एक साताअघि कायममुकाम प्रधानन्याायधीश शर्मालाई प्रधानन्यायाधीश नियुक्त गर्न एक सिफारिस गरेको थियो ।
संसदीय सुनुवाई समितिले परिषद्को सिफारिस अनुमोदन गरेपछि मात्र राष्ट्रपतिले प्रधानन्यायाधीश नियुक्त गर्ने संवैधानिक प्रावधान छ ।
