- सोमबार, २९ वैशाख, २०८२
काठमाण्डु, २१ चैत –अनेरास्ववियु क्रान्तिकारीको १९ औं राष्ट्रिय सम्मेलन शुक्रबार देखि काठमाण्डुमा सुरु भएको छ ।
सम्मेलनको त्रिभुवन विश्व विद्यालय प्रांगणमा आयोजित विशेष समारोहका बीच एकीकृत नेकपा माओवादीका अध्यक्ष पुष्पकमल दाहाल प्रचण्डले बेलुन उडाएर उद्घाटन गरे ।
२५ गतेसम्म चल्ने सम्मेलनमा १२ सय प्रतिनिधिले भाग लिने अखिल क्रान्तिकारीले जनाएको छ ।
१ सय ५१ सदस्यीय कार्यसमिति मध्ये सम्मेलनले १ सय ३७ सदस्य निर्वाचित गर्ने छ भने बाँकी केन्द्रीय समितिले मनोनित गर्नेछ ।
अध्यक्षका लागि वर्तमान उपाध्यक्ष रमेश मल्ल, जागृत रायमाझी र विन्दमान विष्टको चर्चा छ भने महासचिवमा नरेन्द्र न्यौपाने, अनिल शर्मा, रञ्जित तामाङ्ग लगायतको चर्चा छ ।
सम्मेलनको नारा, शैक्षिक माफियाकरणको अन्त्य, सार्वजनिक शिक्षाको रुपान्तरण रहेको छ ।
