- मंगलबार, ३० वैशाख, २०८२
काठमाण्डु, १४ चैत – काठमाण्डु महानगरपालिकाका हजार प्रति राजस्व रसिद गायब भएका छन् ।
मुद्रण बिभाग सिंहदरवारबाट बागदरवारस्थित महानगरपालिका कार्यालय लैजाँदा ती रसिद हराएका हुन् ।
गत बर्ष मंसिरमा जिन्सी शाखाकै पहलमा राजस्व महाशाखाका पियन सूर्यप्रसाद गौतमले बिभागबाट ल्याएर महानगरको गेटमा रसिद छाडिदिएको तर जिन्सी शाखामा बुझ्दा एक बन्डल गायव भएको महानगरपालिकाले जनाएको छ ।
स्रोतका अनुसार पियन गौतमले आफू अस्पताल जानु छ भन्दै जिन्सी शाखाकै नायवसुब्बा नरबहादुर साउदलाई जिम्मा लगाएर हिँडेको र सोहीबीचमा रसिद गायब भएको हो । हराएका रसिदबारे छानबिन गर्न दुई छानबिन टोली समेत बनेका छन् ।
तर प्रतिवेदन सार्वजनिक भएको छैन ।
घटनामा संलग्नलाई बचाउन छानबिन प्रतिवेदन गुपचुप राखिएको महानगर स्रोतको भनाई छ ।
मुद्रंण बिभागबाट ल्याएर महानगरको जिन्सी शाखाका नासुलाई आफूले रसिदका बन्डल जिम्मा लगाएको पियन गौतमले बयान दिएका छन् ।
रसिद हराउने बेलासम्म महानगरका बलिमा नम्बरिङ्ग गर्ने प्रणाली थिएन् ।
