- सोमबार, २ असार, २०८२
काठमाण्डु, १३ चैत – संविधानसभा सभासद्का पिए कस्ता कस्ता ? श्रीमति सभासदको श्रीमान् निजी सहायक (पिए) श्रीमान् सभासदका श्रीमति पिए ।
संविधानसभामा अहिले थुप्रै यस्ता सभासद् छन जसले आफ्नै श्रीमान् या श्रीमतिलाई पिए राखेका छन् ।
आफ्नै परिवारका सदस्य या नजिकका नातेदारलाई पनि पिए राख्ने धेरै छन् । सभासदहरुको सेवासुविधा सम्बन्धी ऐनमा पिए नियुक्त गर्ने अधिकार सभासद्लाई नै दिइएको छ । त्यसैले अधिकांशले आफ्नै परिवार निकटका व्यक्तिलाई पिए नियुक्त गर्ने गरेका छन् ।
आफ्नै श्रीमान्, या श्रीमति, छोराछोरी र सालासालीलाई पिए राख्ने धेरै छन् । केहीले मात्र कार्यकर्तालाई पिए राखेका छन् । एकीकृत माओवादीकी सभासद् दुर्गादेवी खुनाले आफनै श्रीमान बिहारी खुनालाई पिए राखेकी छन् ।
एमालेका सभासद् देवराज भारले श्रीमति बिम्पीरानी पन्थीलाई पिएमा नियुक्त गरेका छन् ।
पिएका लागि श्रीमति योग्य भएकाले राखेको उनले बताए । लोकतान्त्रिक फोरमका महासचिव जितेन्द्र देवले पनि श्रीमति सन्ध्यालाई पिए बनाएका छन् । काँग्रेस सभासद यज्ञराज थापाले छोरी युवराज्ञीलाई पिए बनाएका छन् । एमालेका सभासद लक्ष्मीप्रंसाद पोखरेलले छोरा योगेशलाई पिएमा नियुक्त गरेका छन् ।
काँग्रेस सभासद अशोक कोइरालाले छोरी इशालाई पिए बनाएका छन् ।
