- शनिबार, १५ वैशाख, २०८१
काठमाण्डु, १७ फागुन – नेकपा एमालेका वरिष्ठ नेता माधवकुमार नेपालले पार्टीभित्रका आन्तरिक विवादले नयाँ संविधान निर्माणमा असर पार्न नहुने बताएका छन् । पेप्सीकोलास्थित नेक्सस् इन्टरनेसनल एकेडेमीको आठौँ वार्षिकोत्सव कार्यक्रममा बोल्दै नेपालाई सो कुरा बताएका हुन् ।
‘अहिले हरेक पार्टीभित्र विवाद छ,’ उनले भने, ‘सबै मिलेर एकताबद्ध भई मुलुकलाई अघि बढाउनु जरुरी छ ।’
जनादेशअनुसार नेपाली काँग्रेस र एमालेबीच सहकार्य हुनुपर्ने उनको भनाइ छ । नेपाली संस्कार र संस्कृतिप्रति गौरवबोध गर्न आग्रह गर्दै नेपालले जातजातिका आधारमा विभाजन गरेर मुलुकलाई खाडलमा धकेल्न नहुने बताए ।
कार्यक्रममा विभिन्न प्रतियोगितामा विजयी बनेका विद्यार्थीलाई पुरस्कृत गरिएको थियो ।
