- शुक्रबार, १४ वैशाख, २०८१
मोरङ, ४ फागुन– केही दिनयता जारी लगातारको वर्षातका कारण पूर्वाञ्चलका उच्च पहाडी तथा हिमाली क्षेत्रमा भारी हिमपात भएको छ ।
पूर्वका सखुवासभा, ताप्लेजङ, पाँचथर तथा इलामको उत्तरी क्षेत्रमा बाक्लो हिउँ परेको पूर्वक्षेत्र प्रहरी कार्यालय विराटनगरले जनाएको छ । हिमपातका कारण ती जिल्लाको जनजीवन नराम्ररी प्रभावित भएको छ । हिमपातसँगै अत्याधिक चिसो बढेपछि मानिसहरु घरबाहिर निस्कन सकेका छैनन् ।
सखुवासभाको नुनढाकी गुफाखरी क्षेत्रमा चार फिट बाक्लो हिउँ परेको स्थानीयले बताएका छन् । यस्तै सखुवासभाको गिद्धे, जलजले, मिल्के तथा ताप्लेजुङको ओलाङचुङगोला, लेलेपको घुन्सा, फले, तोक्पेगोला, याम्फुदिन, मामाङखे, कालीखोला, फाकुम्बालगायत उत्तरी हिमाली क्षेत्रमा बाक्लो हिउँ परेको छ ।
चिसोका कारण बालबालिका तथा वृद्धवृद्धा सबैभन्दा बढी मारमा परेका छन् ।
