नवलपरासी, २९ माघ– नवलपरासीको कावासोतीमा रहेको गौरीशङ्कर डेभलपमेन्ट बैंकबाट तीन लाख ५० हजार चोरी भएको छ ।
काउन्टरमा ब्याज बुझाउन बसेका भारतीपुरका खुमबहादुर थापाको ब्यागसहित सो रकम चोरी भएको हो । राम शाह निमावि भारतीपुरका प्रधानाध्यापक थापाले शिक्षकहरूलाई तलब दिनका लागि बैंकबाट रकम झिकेका हुन् ।
राष्ट्रिय वाणिज्य बैंक कावासोतीबाट पैसा निकालेर सँगै रहेको गौरीशङ्कर डेभलपमेन्ट बैंकमा ब्याज बुझाउन छिरेका हुन् ।
उनलाई बैंकका गार्डले झोला भुँइमा राखेर मात्र लाइनमा बस्न लगाउँदा झोला चोरी भएको उनले बताए ।
बैंकमा सिसिटिभीले काम नगरेकाले त्यो झोला कसले लग्यो पत्तै नभएको बैंकले जनाएको छ । रासस