- शनिबार, ८ वैशाख, २०८१
फलेवास, १३ माघ– पर्वतको पाखापानी गाविसलाई छुवाछुत मुक्त घोषणा गरिएको छ । गाउँमा रहेको छुवाछूत प्रथालाई व्यवहारमा अन्त्य गर्ने उद्देश्यले स्थानीय दलित सञ्जालको पहलमा पाखापानीलाई छुवाछूतमुक्त गाविस घोषणा गरिएको हो । पाखापानी जिल्लाको दोस्रो छुवाछूतमुक्त गाविस हो ।
समतामूलक समाज निर्माण गर्ने उद्देश्यसँगै पाखापानी गाविसलाई जिल्लाको दोस्रो छुवाछूतमुक्त गाविस घोषणा गरिएको राष्ट्रिय दलित विकास संस्थाका कार्यक्रम अधिकृत जितबहादुर नेपालीले बताए ।
पाखापानी गाविसमा कुल जनसङ्ख्यामध्ये झन्डै ४० प्रतिशत दलित समुदायको प्रतिनिधित्व छ ।
