- बुधबार, १ जेठ, २०८२
पोखरा, २७ कात्तिक– संविधानसभा निर्वाचनका लागि मुख्य निर्वाचन अधिकृतको कार्यालय कास्कीले क्षेत्र नं ३ को राम निमावि मतदान केन्द्र सिमलचौरमा सबै महिला कर्मचारी खटाएको छ ।
तीन निर्वाचन केन्द्र भएको उक्त मतदान केन्द्रको ‘क’ मतदान केन्द्रको मतदान अधिकृतमा अख्तियार दुरुपयोग अनुसन्धान आयोगका सरिताकुमारी खतिवडा र सहायक मतदान अधिकृतमा क्षेत्रीय कृषि निर्देशनालयकी जया पौडेल सुवेदी तथा ‘ख’ मतदान केन्दको मतदान अधिकृतमा सहकारी प्रशिक्षण तथा डिभिजन कार्यालयकी ईश्वरी ढकाल र सहायक मतदान अधिकृतमा पशु विकास फर्मकी गोमाकुमारी श्रेष्ठ रहेकी छिन् ।
यसरी नै ‘ग’ मतदान केन्द्रको मतदान अधिकृतमा पश्चिमाञ्चल क्षेत्रीय वन तालिम केन्द्रकी शान्ता काफ्ले र सहायक मतदान अधिकृतमा पुनरावेदन अदालत पोखराकी सरिता शर्मा सुवेदी खटिनुभएको मुख्य निर्वाचन अधिकृत रामप्रसाद ओलीले बताइन् ।
कार्यालयले ती मतदान केन्द्रमा थप तीन सहायक र दुई कार्यालय सहयोगीसमेत २१ महिला कर्मचारी खटाएको छ । पोखरा उपमहानगरपालिका वडा नं ८ मा पर्ने उक्त मतदान केन्द्रमा दुई हजार ३१२ मतदाता छन् ।
