- बुधबार, १२ वैशाख, २०८१
काठमाण्डु, १ कात्तिक– नेकपा–माओवादीका सचिव देव गुरुङले ४ मंसिरमा निर्वाचन भए पनि संविधानसभाबाट संविधान नबन्ने दाबी गरेका छन् ।
राजधानीमा शुक्रबार भएको कार्यक्रममा उनले सरकार र चार दलले जवर्जस्ती गर्न लागेको निर्वाचनले सकारात्मक परिणान नदिने बताए ।
उनले सकेसम्म संविधान नै नलेखिने र लेखिए पनि अर्कैले बनाएको संविधान हुने उनको जिकिर थियो । उनले आफ्नो पार्टी सम्वद्ध ३३ दलीय मोर्चाले निर्वाचनको शान्तिपूर्ण ढंगले सशक्त बहिस्कार गर्ने दोहोर्याए ।
गुरुङले निर्वाचनमा सेना परिचालन भए मुलुक द्वन्द्वमा फस्ने जिकिर गरे । उनले सेना परिचालनको निणर्य गरेर सरकार आफैं द्वन्द्व निम्त्याउन अग्रसर भएको आरोप लगाए ।
