- शनिबार, ८ वैशाख, २०८१
काठमाण्डु, ७ असोज – चुनावी प्रकृयाप्रति असन्तुष्ट नेकपा–माओवादी नेतृत्वको मोर्चाले सोमबार काठमाण्डु र पोखरामा विरोधसभा गर्दैछ । पछिल्लोपटक उच्चस्तरीय राजनीतिक समितिको वार्ता विफल भएपछि मोर्चाले आन्दोलनका कार्यक्रम अनुसार विरोधसभा गर्न लागेको हो ।
काठमाण्डुमा दिउँसो हुने सभालाई अध्यक्ष मोहन वैद्यले र पोखराको सभालाई उपाध्यक्ष सीपी गजुरेल लगायत नेताहरुले सम्बोधन गर्नेछन् ।
माओवादी नेतृत्वको मोर्चाले साउन १० गतेदेखि चरणबद्ध आन्दोलनका कार्यक्रम गर्दै आएको छ । मोर्चाले असोज ९ र १० गतेकालागि आह्वान गरेको नेपाल बन्दको कार्यक्रम भने फिर्ता लिएको छ ।
माओवादीले जारी निर्बाचन प्रकृया स्थगित गर्नुपर्ने, मन्त्रिपरिषद अध्यक्ष खिलराज रेग्मीले प्रधानन्यायाधीश पदबाट राजीनामा दिनुपर्ने, राजनीतिक निकासकालागि सर्वपक्षीय गोलमेच सम्मेलन गर्नुपर्ने लगायत माग राख्दै आएको छ ।
