- बुधबार, १२ वैशाख, २०८१
काठमाण्डु, २३ भदौ – नेपाललाई १–० ले हराउँदै अफगानिस्तान काठमाडौंमा जारी आठौं साफ च्याम्पियनसीप फुटबलको फाइनलमा पुगेको छ । दशरथ रंगशालामा भएको खेलको १० औं मिनेटमा अफगानिस्तानका सन्जार रहमानले गरेको गोल नै निर्णायक भयो । डिबक्स भित्र गोलकिपर किरण जेम्जोङले हातबाट फुत्काएको बललाई रहमानले जाली चुमाएका थिए ।
अफगानिस्तानसँग पराजित भएपछि नेपाल प्रतियोगिताबाट बाहिरिएको छ । दोस्रो हाफमा पाएका दुईवटा पेनाल्टीलाई रोहीत चन्दले सदुपयोग गर्न नसकेपछि नेपाल हार व्यहोर्न बाध्य भयो ।
रोहीत चन्दले लगातार दुईवटा पेनाल्टीमा गोल गर्न असफल भएपछि नेपाली खेलाडी तथा दर्शकहरु निराश हुँदै दशरथ रंगशालाबाट बाहिरिएका थिए ।
