- शनिबार, ५ असोज, २०८१
काठमाण्डु, १९ भदौ – मेडिकल काउन्सिलको उपाध्यक्षमा डा.एई अन्सारी विजयी भएका छन् । डा. चन्दा कार्कीलाई ७९ मतले पछि पार्दै अन्सारी उपाध्यक्ष पदमा विजयी भएका हुन् । अन्सारीले एक हजार ६ सय ३१ र कार्कीले एक हजार ५ सय ५२ मत पाएका छन् ।
काउन्सिलको सदस्यहरुमा डा. अंकुर शाह, रोशन पिया, गणेश गुरुङ, मनोहर प्रधान, शतिस देव, शिवजी पौडेल, कुलदीप गोइत र विश्वराज दुवाडी विजयी भएका छन् । उनीहरुले आगामी साता कार्यभार सम्हाल्ने छन् ।
एक उपाध्यक्ष पदकालागि ६ जना र ८ सदस्य पदकालागि ४१ जना चुनावी मैदानमा थिए । काठमाण्डु उपत्यकामा यही भदौ १४ गते र उपत्यकाबाहिर भदौ १० गते मतदान भएको थियो ।
काउन्सिलको अध्यक्ष भने सरकारले नियुक्त गर्ने प्रावधान छ ।
