अधिकारी दम्पत्तिलाई बल प्रयोग गरेर खाना खुवाउन आदेश

काठमाण्डु, १८ भदौ– सर्वोच्च अदालतले आफ्ना छोरा हत्यामा संलग्नलाई कारबाहीको माग गर्दै वीर अस्पतालमा आमरण अनसन बसेका गोरखा फुजेलका नन्दप्रसाद अधिकारी दम्पत्तिलाई बल प्रयोग गरेर खाना खुवाउन आदेश दिएको छ ।
सर्वोच्चले उनीहरुको जीवन रक्षाका लागि जबर्जस्ती खाना खुवाउन न्यायाधीश प्रकाश वस्तीको एकल इजलासले जबरजस्ती खाना खुवाउन मंगलबार आदेश दिएको हो । उनीहरुको जीवन रक्षाको माग गर्दै कानुन व्यवसायी राजाराम शिवाकोटीले सर्वोच्चमा रिट दायर गरेका थिए । उनीहरु छोरा कृष्णप्रसाद हत्यामा संलग्नलाई कारबाही माग गर्दै एक महिनायता अनसनमा छन् । सर्वोच्चले हत्याबारेको अनुसन्धान विवरण तत्काल सार्वजनिक गर्नसमेत सरकारका नाममा आदेश दिएको छ ।