बबई नदीमा डुबेर तीन जना बेपत्ता

बर्दिया, १५ भदौ– बर्दिया गुलरियाका तीन युवा बबई नदीमा डुबेर बेपत्ता भएका छन् ।
बेपत्ता हुनेमा गुलरिया नगरपालिका–४ का निमकठियाका २५ वर्षीय डमडम चमार, १८ वर्षीय श्यामु चमार र १८ वर्षकै सुरज चमार रहेको प्रहरीले जनाएको छ । कृष्णअष्टमीका दिन बनाइएको कृष्ण मुर्ति सेलाउन गएका बेला उनीहरुलाई नदीले बगाएको बताइएको छ ।

बेपत्ताको खोजीमा प्रहरी र स्थानीय खटिएका छन् । नदीमा पानीको बहाव उच्च रेहका कारण खोजीकार्य कठिन भएको जिल्ला प्रहरीले कार्यालय बर्दियाले जनाएको छ ।