‘जनतामुखी नेतालाई उम्मेदवार बनाऔं’

काठमाण्डु टुडे २०७० भदौ ९ गते ५:५८ मा प्रकाशित

चितवन, ९ भदौ – नेपाली काँग्रेसका नेता अर्जुननरसिंह केसीले नेतामुखीभन्दा जनतामुखी नेतालाई आगामी संविधानसभा निर्वाचनमा उम्मेदवार बनाउनुपर्ने बताएका छन् ।
प्रेस युनियन चितवन शाखाले आइतबार भरतपुरमा गरेको पत्रकार भेटघाटमा नेता केसीले नेताको वरिपरिमात्र घुम्ने  उम्मेदवार जनप्रिय नहुने र जनप्रिय नभएको नेताले चुनाव जित्न नसक्ने बताए ।

मंसिर ४ गतेको निर्वाचनको विकल्प नभएको बताउँदै उनले निर्वाचनको वातावरण बनाउन सबै दललाई आग्रह गरे ।

शनिबार नेकपा–माओवादी नेतृत्वको मोर्चासँग वार्ता असफल भएको तर्फ इङ्गित गर्दै नेता केसीले असन्तुष्ट दलहरूका लागि वार्ताको ढोका भने बन्द नभएको स्पष्ट पारे ।

Copyright © 2016 kathmandutoday.com Department of Information Reg No:460/074/75 About Us