- सोमबार, १६ असार, २०८२
मलेसिया, ११ पुस–मलेसियामा यस दशककै ठूलो बाढीका कारण कम्तीमा पनि एक लाख व्यक्ति विस्थापित भएका छन् । त्यस बाढीमा परी अरु कम्तीमा पाँचजना मारिएका छन् ।
सरकारी उद्धार प्रयास निकै कमजोर भएको भन्दै त्यहाँका प्रधानमन्त्रीको व्यापक विरोध भएको छ । यस दशककै सबैभन्दा शक्तिशाली आँधी र बाढीका कारण जनजीवन नराम्ररी प्रभावित भएको बताइएको छ ।
देशमा आँधी आएका बेला प्रधानमन्त्री नजिब रजाक अमेरिकी राष्ट्रपति बाराक ओबामासँग निकै गफ्फिएर हाँस्दै गरेका तस्बिरहरु सरकारी टेलिभिजनमा बारम्बार देखाइएको भन्दै उनको विरोध गरिएको हो ।
सहरी तथा ग्रामीण बस्तीहरूमा समेत पानीको सतह निकै बढेकोले नागरिक आफ्ना सामानहरु लिएर भाग्दै गरेको तथा आँधा शरीरमा पानीले डुबाएका तस्बीरहरु टेलिभिजनहरुले दिइरहेका छन् ।
मलेसियाको उत्तरपूर्वी प्रान्तमा बाढी र आँधीले नराम्ररी प्रभावित बनाएको छ । उद्धारका काम जारी रहेको भए पनि त्यो प्रभावकारी हुन नसकेको बताइएको छ ।
उद्धारको काम प्रभावकारी रुपमा अघि बढ्न नसकेको भन्दै मलेसियाका विपक्षीहरुले प्रधानमन्त्री रजाकको विरोध गरिरहेका राजधानी क्वालालम्पुरबाट प्राप्त समाचारमा जनाइएको छ । रासस
