- मंगलबार, १२ साउन, २०८३
काठमाडौं — जिल्ला अदालत काठमाडौंले व्यवसायी शेखर गोल्छालाई एक करोड रुपैयाँ धरौटीमा छाड्न आदेश दिएको छ ।
मंगलबार न्यायाधीश प्रतिमाकुमारी भट्टराई पोखरेलको इजलासले थुनछेक बहसपछि गोल्छालाई बिमा सम्बन्धी कसुरमा ७५ लाख रुपैयाँ र धितोपत्र सम्बन्धी कसुरमा २५ लाख रुपैयाँ धरौटी निर्धारण गर्दै छाड्न आदेश दिएको हो ।
जिल्ला अदालत काठमाडौंका सूचना अधिकारी शिव खतिवडाका अनुसार अदालतले दुई कसुरमा छुट्टाछुट्टै धरौटी तोकेको हो ।
नेपाल प्रहरीको केन्द्रीय अनुसन्धान ब्यूरो (सीआईबी) ले गोल्छालाई गत १० वैशाखमा पक्राउ गरी अनुसन्धानका लागि नियन्त्रणमा लिएको थियो ।
