- मंगलबार, १२ साउन, २०८३
काठमाण्डू, २५ माघ– काठमाण्डू महानगरपालिकाका पूर्वमेयर एवं राष्ट्रिय स्वतन्त्र पार्टी (रास्वपा) का नेता बालेन्द्र साह (बालेन) को घरमा तोडफोड र चोरी गर्ने समूहका तीन जना पक्राउ परेका छन् ।
पक्राउ पर्नेमा काठमाण्डू बालाजु हाइटका ४२ वर्षीय मनिष राजवहाक,सिन्धुपाल्चोक लिसंखुपाखर गाउँपालिका–६ पड्कुका ४६ वर्षीय खिमबहादुर खड्का तथा डोटी दिपायल सिलगढी नगरपालिका–६ का ४५ वर्षीय सञ्जय श्रेष्ठ छन् ।
चोरीका सामानसहित उनीहरुलाई पक्राउ गरिएको जिल्ला प्रहरी परिसर काठमाण्डूका प्रवक्ता एसपी पवनकुमार भट्टराईले जानकारी दिए ।
भट्टराईका अनुसार पक्राउ परेकाहको साथबाट ल्यापटप र भिडियो रेकर्डरसहितका सामान बरामद गरिएको बताए ।
प्रहरीका अनुसार पक्राउ परेकाहरु जेनजी आन्दोलनका क्रममा गत २४ भदौमा नख्खु कारागारबाट फरार भएका थिए ।
