- सोमबार, ८ असार, २०८३
काठमाण्डू,६ कात्तिक – राष्ट्रपति रामचन्द्र पौडेलले शुभसाइतमा आफ्नी बहिनीहरू शारदा पण्डित र चन्दा ओझाबाट भाइटीका ग्रहण गरेका छन् ।
बिहीबार बिहान ११ः३९ बजे शीतल निवासमा बहिनीहरूले राष्ट्रपति पौडेललाई टीका र माला लगाएका हुन् । राष्ट्रपतिको स्वकीय सचिवालयका अनुसार नेपाल पञ्चाङ्ग निर्णायक समितिले यो समयलाई भाइटीकाको उत्तम साइतका रूपमा निर्धारण गरेको थियो ।
समितिले साइत बिहान ११ बजेर ३९ मिनेटका लागि तय गरेको भए पनि दिनभर टीका लगाउन सकिने जनाएको छ ।
तिहारको अन्तिम दिन पर्ने भाइटीकामा दिदीबहिनीहरूले दाजुभाइको दीर्घायु र सुखसमृद्धिका लागि टीका लगाइदिन्छन् भने दाजुभाइहरूले पनि टीका लगाएर दक्षिणा दिने परम्परा रहेको छ ।
