- मंगलबार, ३० वैशाख, २०८२
काठमाण्डू, ११ वैशाख– प्रधानमन्त्री केपी ओलीको कार्यशैलीलाई लिएर काँग्रेस शीर्ष नेताहरुको अभिव्यक्ति सार्वजनिक भइरहेका बेला माओवादी केन्दका अध्यक्ष पुष्पकमल दाहाल प्रचण्डले आफूसँग सो पार्टीका सभापति शेरबहादुर देउवाको
टोलिफोन संवाद भएको खुलासा गरेका छन् । उनले बिहीबार सिंहदरबारस्थित पार्टी संसदीय दलको कार्यालयमा बसेको दल बैठकमा थाइल्याण्ड जानुअघि देउवाले आफूलाई टेलफोन गरेको बताए ।
एक सांसदका अनुसार प्रचण्डले देउवाले आफूलाई उपचारका लागि बैंकक जान लागेको जानकारी दिएको उल्लेख गरे ।
जवाफमा आफूले शुभयात्रा भनेको प्रचण्डको भनाइ छ । उनले वर्तमान सरकार धेरै पर जाने सम्भावना नरहेको दाबी गरे । यद्यपि प्रचण्डले सरकारमा जानेबारे आफूहरुले केही नसोचेको बताए ।
‘यो सरकार अब लामो जाने जस्तो देखिँदैन’, उनले भने, ‘तर, सरकार ढाल्ने खेलमा छैनौं । यद्यपि आफूहरुले कहिल्लै सरकारमा जाँदै नजाने भनेर बाचाबन्धन पनि नगरेको तर्क प्रस्तुत गरे ।
ती सांसदका अनुसार केपी ओली थप सरकारमा बसेमा वर्तमान संघीय लोकतान्त्रिक गणतन्त्र नै जान सक्ने खतरा औंल्याए । उनले देउवा फर्किएपछि फेरि कुराकानी हुने संकेत गरे ।
