- शनिबार, १३ असार, २०८३
काठमाण्डु, १९ भदाै – संबैधानिक, राजनीतिक संवाद तथा सहमति समितिको बैठक बिना निश्कर्ष टुंगिएको छ । संघीयता र राज्यपुर्नसंरचनाको बिषयमा सहमति जुटाउन सिंहदरबारमा बसेको बैठकमा दलहरुले पुराना अडान नछाेडेपछि बिना निश्कर्ष टुंगिएको हाे ।
बैठकमा तीन ठूला दलका शीर्ष नेताहरु सहभागी थिए ।
अघिल्लो संबिधानको राज्य पुर्नसंरचना तथा राज्य शक्तिको बाँडफाँड समिति र राज्य पुर्नसंरचनाको आयोगको प्रतिवेदन बोकेर बैठक बसेका दलहरुबीच प्रदेशको संख्या, नामाकरणमा कुरा नमिलेको हो ।
बैठकपछि प्रतिक्रिया दिंदै कांग्रेस उपसभापति रामचन्द्र पौडेलले दलहरुबीच ठोस छलफल हुन नपाएको बताए । बैठक भोलि बिहान ८ बजे बस्ने गरी टुंगिएको छ ।
आजै साँझ तीन दलले संबिधान सभा बाहिर रहेको नेकपा-माओवादीसँग छलफल गर्ने छन् ।
मुख्य विवादित बिषय संघीयता, शासकीय स्वरुप र निर्वाचन प्रणालीमा साझा धारणा बनाएका सत्तारुढ दल कांग्रेस र एमालेले आज एमाओवादीसँग सहमति गर्ने योजना बनाएका थिए ।
संघीयतामा केही लचकता अपनाएर शासकीय स्वरुपमा एमाओवादीलाई सहमतिमा ल्याउने उनीहरुको योजना थियो ।
