- बिहीबार, ३२ असार, २०८३
काठमाण्डु, १८ मंसिर– सल्यानमा ट्याक्टरबाट खसेर एक जनाको मृत्यु भएको छ । मृत्यु हुनेमा कुमाख गाउँपालिका– २ नारायण टाकुरा बस्ने ३६ वर्षीय नबिन कामी रहेको सल्यान प्रहरीले जानकारी दिएको छ ।
सल्यानको कुमाख गाउँपालिका–६ सेराटोलस्थित सडकमा लु.४ त ६६९४ नम्बरको ट्याक्टरबाट खसेर कामीको गए राति मृत्यु भएको प्रहरीले जानकारी दिएको छ ।
ट्याक्टरबाट खसेर गम्भीर घाइते भएका उनको जिल्ला अस्पताल सल्यानमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको पनि सल्यान प्रहरीले जानकारी दिएका छ ।
