- बिहीबार, ३२ असार, २०८३
धनुषा, १५ मंसिर– महिलाको हत्या गरेको आरोपमा तीन जना पक्राउ परेका छन् ।
धनुषाको जनकनन्दिनी गाउँपालिका–३ का २२ वर्षीय रामललित खत्वे मण्डल, सोही ठाउँका २० वर्षीय ज्ञानेन्द्र दास र शीहदनगर नगरपालिका–८ नाथपट्टीका २४ वर्षीय रमेशकुमार मण्डललाई हत्या आरोपमा प्रहरीले पक्राउ गरेको हो ।
गत ८ मंसिरमा धनुषाको जनकनन्दिनी गाउँपालिका–४ कमला नगरपालिका–२ को सीमानामा पर्ने आमाखोलामा नामथर नखुलेकी महिलाको शव भेटिएको थियो ।
धनुषा प्रहरी प्रमुख एसपी भुवनेश्वर तिवारीले घाँटी रेटेर महिलाको हत्या गरिएको बताए ।
पक्राउ परेका रामललित खत्वे र मृतक महिलाबीच विवाहका विषयमा विवाद हुँदा घटना भएको तिवारीले जानकारी दिए । मृतक र खत्वेबीच विगत ५ वर्षदेखि प्रेम सम्बन्ध रहेको खुलेको छ ।
