मंसिर १६ को उपनिर्वाचन भ्रष्टाचारविरुद्ध अभिमत प्रकट गर्ने अवसर होः प्रचण्ड

काठमाण्डु, १२ मंसिर– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आगामी १६ मंसिरमा हुने स्थानीय तहको

उपनिर्वाचनमा सुशासनको पक्ष र भ्रष्टाचारविरुद्ध अभिमत प्रकट गर्न मतदातालाई अपिल गरेका छन् ।

बुधबार एक भिडियो सन्देश जारी गर्दै उनले उपनिर्वाचनमार्फत व्यक्त हुने जनमतको मुलुकका लागि विशेष अर्थ र महत्व रहेको बताए । उनले उपनिर्वाचनले आगामी निर्वाचनका लागि समेत सन्देश दिने उल्लेख गरे ।

‘नेपाली जनता साँच्चिकै सुशासनको पक्षमा र भ्रष्टाचारको विरूद्धमा रहेको प्रमाणित गर्न उपनिर्वाचन महत्वपूर्ण अवसर पनि हो,’ प्रचण्डले भनेका छन्, ‘यससकारण यो उपनिर्वाचनलाई अवसरका रूपमा सदुपयोग गरेर देशमा व्याप्त बेथिति, विसंगति र विकृतिविरूद्ध अभिमतका निम्ति म विशेष रुपले अपिल गर्न चाहन्छु । उपनिर्वाचनमार्फत एउटा सन्देश दिऔं ।’

आफू प्रधानमन्त्री भएका बेला सुशासनका पक्षमा तथा भ्रष्ट्राचार, अन्याय र विभेदविरुद्ध र आर्थिक संकटबाट देशलाई मुक्त गर्न निकै प्रयास गरेको चर्चा उनले गरे ।

आफ्नो उक्त प्रयासका कारण मुलुकमा सकारात्मक भाव पैदा भएको दाबी उनको थियो ।

‘उपनिर्वाचनलाई भ्रष्टाचारविरुद्धको संकल्पलाई अघि बढाउने महअभियानको रुपमा, देशमा सुशासन कायम गर्ने र सामाजिक न्यायसहतिको आर्थिक समृद्धिको पक्षमा हामीले अघि बढाइरहेका छौ’, उनले भने ।

‘