- शुक्रबार, १ साउन, २०८३
काठमाण्डु, ११ मंसिर– काठमाण्डु महानगरपालिका–३ बाँसबारीमा सडकमा मंगलबार मोटरसाइकल दुर्घटना हुँदा एक जनाको मृत्यु भएको छ ।
अरु तीनजना घाइते भएका छन् । बा.प्र–०२–०५०प८३१२ नम्बरको मोटरसाइकल मंगलबार बिहान दुर्घटना हुँदा चालक बुढानीलकण्ठ नगरपालिका देउवाचोकका ३१ वर्षीय सुशान्त देउलाको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको त्रिवि शिक्षण अस्पताल महाराजगन्जमा उपचारका क्रममा मृत्यु भएको हो ।
पैदलयात्रीलाई ठक्कर दिएपछि अनियन्त्रित भएको उक्त मोटरसाइकलले बा.प्र०२–०४४–१८७८नम्बरको अर्का मोटरसाइकललाई पनि ठक्कर दिएको थियो ।
उक्त मोटरसाइकलमा सवार दुई र पैदलयात्री घाइते भएको प्रहरीको भनाइ छ । तीनैजना घाइतेको त्रिवि शिक्षण अस्पताल महाराजगञ्जमा उपचार भइरहेको छ ।
