- शुक्रबार, १ साउन, २०८३
काठमाण्डु, ९ मंसिर– काभ्रेको धुलिखेलमा रहेको मानव कल्याण सेवा समाज घरमा सुतेकी एक जना महिला मृत अवस्थामा फेला परेकी छन ।
करिब ३५ की माइली मानव मगर नाम गरेकी महिला शनिबार राति आफैं सुत्ने ओछ्यानमा मृत अवस्थामा फेला परेको जिल्ला प्रहरी कार्यलय काभ्रेले जानकारी दिएको छ ।
उनी सोही घरमा बस्दै आएकी थिइन् । ती महिलालाई भक्तपुरको सुर्यबिनायक नगरपालिका–७ गुण्डु बाट २०७६ चैत १० गते बेवारिसे अवस्थामा फेला पारी उद्धार गरेर त्यहाँ राखिएको पाईएको प्रहरीले जानकारी दिएको छ ।
मृतकको शव शनिबार राति करिब एक बजे पोस्टमार्टमका लागि धुलिखेल अस्पतालमा पठाइएको काभ्रे प्रहरीले जानकारी दिएको छ ।
