- शुक्रबार, १ साउन, २०८३
काठमाण्डु,२ मंसिर– राष्ट्रपति रामचन्द्र पौडेलले पूर्वसभामुख दमननाथ ढुंगानाको निधनले आफू मर्माहत भएको बताएका छन ।
आज (आइतबार) सामाजिक सञ्जाल ट्विटरमार्फत पौडेलले यस्तो बताएका हुन ।राजनीतिकर्मी, वरिष्ठ अधिवक्ता र नागरिक अगुवाको पहिचान बनाएका ढुंगानाले लोकतान्त्रिक आन्दोलनमा पुर्याएको योगदान सँधै स्मरणीय हुने बताउँदै राष्ट्रपति पौडेलले ढुंंगानाप्रति श्रद्धाञ्जली दिएका छन् ।
उनले ढुंगानाको निधनपछि शोकाकुल परिवारजनमा समवेदना व्यक्त गरेका छन् । नेपालको संवैधानिक र संसदीय इतिहासमा ढुंगानाको योगदान विशिष्ट खालको रहेको स्मरण समेत राष्ट्रपतिले गरेको राष्ट्रपतिका प्रेस सल्लाहकार किरण पोखरेलले जानकारी दिएका छन ।
