- बुधबार, ६ साउन, २०८३
काठमाण्डु, १ कात्तिक– सुर्खेत प्रहरीले आफ्नै श्रीमतीलाई १५ हजार भारुमा बोच्न श्रीमानलाई २४ वर्ष पछि पक्राउ गरेको छ ।
पक्राउ पर्नेमा पश्चिम सुर्खेतको चौकुने गाउँपालिका–७, का ६१ वर्षीय भक्तबहादुर विष्ट रहेको सुर्खेत प्रहरीले जानकारी दिएको छ ।
मानव बेचबिखन मुद्दाका फरार अभियुक्तको सूचीमा रहेका भक्तबहादुरलाई जिल्ला प्रहरी कार्यालय सुर्खेत र इलाका प्रहरी कार्यालय गुटुको टोलीले बुधबार पक्राउ गरीएको जिल्ला प्रहरी कार्यालय सुर्खेतका प्रवक्ता वीरेन्द्रवीर विश्वकर्माले जानकारी दिएका छन ।
भक्तबहादुरविरूद्ध जाहेरी आएको घटना भने २४ वर्षअघिको हो । २०५७ साल मंसिर १३ गते उनले श्रीमती नामसरादेवी कँडेललाई भारतमा बेचेको जाहेरी जिल्ला प्रहरी कार्यालय सुर्खेतमा दर्ता भएको थियो ।
घरमै लुकिछिपी बसेका उनलाई पक्राउ गरी घटनाबारे आवाश्यक अनुसन्धान भईरहेको सुर्खेत प्रहरीले जानकारी दिएको छ ।
