- मंगलबार, १२ साउन, २०८३
काठमाण्डु, १६ असार– सरकारी नम्बर प्लेटको गाडीले नै ट्राफिक नियम उल्लङ्घन गरेको पाइएपछि कारबाही गरेको ट्राफिक प्रहरीले जानकारी दिएको छ ।
महानगर ट्राफिक प्रहरी डिभिजनले सरकारी नम्बर प्लेटको सवारीलाई कारबाही गरेको जनाएको छ । आफ्नो फेसबुक पेजमार्फत डिभिजनले कारबाही गरेको दाबी गरेको छ ।
सामाजिक सञ्जालमा बा १ झ ७६७५ नम्बरको सरकारी सवारीले ट्राफिक नियम मिचेर अर्को लेनमा क्रस गरेको भिडियो भाइरल भएको थियो ।
यसबारे सामाजिक सञ्जालमा चौतर्फी दबाब र गुनासो आएपछि कारबाही गरेको ट्राफिक प्रहरीले सामाजिक सञ्जालमार्फत जानकारी दिएको छ ।
तर, कारबाही गरिएको आधिकारिक प्रमाण भने सामाजिक सञ्जालमा राखिएको छैन । ट्राफिक प्रहरीले सामाजिक सञ्जालमा लेखेको छ, ‘ट्राफिक प्रहरी कार्यालय रामशहपथबाट खोजतलास र अनुसन्धान गरेर उक्त सवारी साधनलाई फेला पारी सवारीका चालकलाई लेन अनुशासन विपरीत सवारी चलाएको कसुरमा कारबाही गरिएको छ ।’
