- बिहीबार, २१ जेठ, २०८३
कैलाली , ७ साउन – कैलालीको फूलबारी गाविस–३ खेदाका २५ वर्षीय रमेश चौधरीको कतारमा मृत्यु भएको १० दिन भइसक्दा पनि शव नेपाल ल्याउन नसक्दा उनका परिवार शोकमा डुबेका छन् ।
परिवारजनले उनको शव नेपाल ल्याउन पहल गरिदिन सम्बन्धित सबै पक्षसँग आग्रह गरेका छन् ।
कतारमा सडक निर्माणको काम गर्ने चौधरीले असार २९ गते राति घरमा फोन गरी आफूलाई रिङ्गटा लागिरहेको बताएको र भोलिपल्ट गाउ“ले देवीलाल चौधरीले फोनमार्फत उनको मृत्यु भएको खबर दिएको रमेशकी श्रीमती धनी चौधरीले बताइन् ।
विसं २०७० माघ २४ गते उनी आनन्द ओभरसिज एन्ड सर्भिसेज महाराजगन्जमार्फत कतारको अल जावरस्थित अल जावर एन्ड पाटनर्समा काम गर्न गएका थिए ।
चौधरीको शव ल्याउने प्रयास भइरहेको उनलाई कतार पठाउन सहयोग गरेका हसुलियाका सुरेश चौधरीले जानकारी दिए ।
मृतक चौधरीका तीन छोरी, एक छोरा छन् । श्रीमती धनीले श्रीमानको शव ल्याइदिन भन्दै फूलबारीमा रहेको बकुलिया प्रहरी चौकीमा जाहेरीसमेत गरेकी छिन् ।
