- बुधबार, १ जेठ, २०८२
काठमाण्डु,२६ फागुन–नेकपा (माओवादी केन्द्र)का अध्यक्ष एवं प्रधानमन्त्री पुष्पकमल दाहाल ‘प्रचण्ड’ विरूद्धको रिटमा न्यायाधीश ईश्वरप्रसाद खतिवडाको इजलासमा सुनुवाइ हुने भएको छ ।
न्यायाधीश खतिवडाको इजलासमा ११ औं नम्बरमा रहेको रिटको आज शुक्रबार सुनुवाई हुने भएको छ । हिजो बिहीबार हुने भनिएको सुनुवाइ समय अभावका कारण हुन सकेको थिएन ।
०७६ साल १ माघमा काठमाण्डुको टुँडिखेलमा आयोजित एक सार्वजनिक कार्यक्रममा माओवादी केन्द्रका अध्यक्ष प्रचण्डले सशस्त्र द्वन्द्वमा मारिएका १७ हजारमध्ये ५ हजार जनाको मात्र आफूले जिम्मा लिने बताएका थिए ।
प्रधानमन्त्री प्रचण्डको उक्त अभिव्यक्तिलाई लिएर उनीविरुद्ध अधिवक्ता ज्ञानेन्द्रराज आरणसहित १४ जना र चिरञ्जिवी वास गिरीले दायर छुट्टाछुट्टै रिट दायर गरेका थिए ।
रिटमाथि सर्वोच्चका न्यायाधीश विश्वम्भरप्रसाद श्रेष्ठको इजलासमा बिहीबार तोकिएको पेसी हेर्न नभ्याइने भन्दै शुक्रबारलाई सारिएको हो ।
