सरकारी जग्गा हडपेको आरोपमा राजा महेन्द्रका ज्वावाईंमाथि मुद्दा दायर

काठमाण्डु, १० जेठ– अख्तियार दुरुपयोग अनुसन्धान आयोगले १० कट्ठा १२ धुर सरकारी जग्गा हडपेको आरोपमा दिवंगत पूर्वराजा महेन्द्र शाहका छोरीज्वाइँ कुमार खड्गविक्रम शाहसहित ३१ जनाविरुद्ध भ्रष्टाचार मुद्दा दायर गरेको छ ।

२९ करोडभन्दा बढी बिगो दाबी गर्दै महेन्द्रकी छोरी शारदाका पति शाहसहित ३१ जनाविरुद्ध विशेष अदालतमा मुद्दा दायर भएको अख्तियार प्रवक्ता श्यामप्रसाद भण्डारीले जानकारी दिए ।
शाहले धनुषा साबिक पिडारी–५ स्थित कित्ता नम्बर–१३२, कित्ता नम्बर–१३३, कित्ता नम्बर–१३४, कित्ता नम्बर– १३५ र कित्ता नम्बर–६ को जम्मा ८ बिगा, १० रोपनीभन्दा बढी सरकारी जग्गा गैरकानुनी रूपमा गुठी संस्थान तथा मालपोत कार्यालयका कर्मचारीलाई प्रभाव तथा प्रलोभनमा पारेर आफ्नो नाममा दर्ता गरेको पाइएपछि मुद्दा दर्ता गरेको आयोगले जनाएको छ । राजधानी दैनिकबाट