एसडी मुनिको खुलासाः भारत ओली नै प्रधानमन्त्री रहिरहुन भन्ने चाहन्थ्यो

काठमाण्डु, ३० असार– नेपाल मामिलाका जानकार भारतीय प्रोफेसर एसडी मुनिले भारतको रोजाइमा हुँदाहुँदै पनि केपी ओली सत्ताच्युत भएको टिप्पणी गरेका छन् ।

उनले काँग्रेस सभापति शेरबहादुर देउवाभन्दा ओली नै भारतको रोजाइमा थिए । भारतले ओली नै प्रधानमन्त्रीमा रहिरहुन् भन्ने चाहेको भए पनि देउवालाई रोक्ने प्रयास पनि नगरेको उल्लेख गरे । मुनिले देउवा भारतका पुराना मित्र भएको उल्लेख गर्दै नयाँ सरकारसँग भारतले सहकार्य गर्ने बताए ।

‘फेरि पनि ओली नै प्रधानमन्त्री रहुन् भन्ने भारत चाहन्थ्यो, तर भारतले देउवालाई प्रधानमन्त्री बन्न रोकेको पनि होइन । किन भने देउवा भारतका पुराना मित्र हुन्’, मुनिले भने । परिवर्तित परिस्थितिमा इपीजी प्रतिवेदन, १९५० को सन्धि र सीमासम्बन्धी विषयमा प्रगति हुनेमा भने आशंका व्यक्त गरे ।
नयाँ पत्रिकाबाट