- शनिबार, १४ असार, २०८२
मलंगवा, २३ बैशाख – सर्लाही बसबरिया गाउँपालिका–३ मानपुर ब्यारेज नजिक सोमबार दिउँसो ट्याक्टर दुर्घटना हुँदा एक जनाको मृत्यु भएको छ । एकजना गम्भीर घाइते भएका छन् ।
गाउँको भित्री सडकमा ज१त ७२२० नम्बरको ट्याक्टर अनियन्त्रित भइ पल्टिँदा सोही ठाउँका उपेन्द्र महतोका १८ वर्षीय छोरा आशिक महतोको मृत्यु भएको हो । महतोलाई उपचारका लागि बरहथवा ल्याउनेक्रममा बाटोमा मृत्यु भएको प्रहरीले जनाएको छ । मृतक महतो सोही ट्याक्टरका चालक हुन् ।
दुर्घटनामा मृतक आशिकका भाई १६ वर्षीय आदित्य महतो गम्भीर घाइते भएका छन् । उनलाई बरहथवामा सामान्य उपचार गरी थप उपचारका लागि वीरगञ्ज रेफर गरिएको प्रहरीले जनाएको छ ।
