- मंगलबार, २३ असार, २०८३
काठमाण्डु– सांसदको विशेषाधिकारमा अंकुश लगाउँदै सत्तारुढ राष्ट्रिय स्वतन्त्र पार्टी (रास्वपा) ले पूर्वअनुमति लिएर मात्र बोल्न आफ्ना सांसदहरुलाई दिर्नेशन दिएको छ ।
रास्वपाले सचेतकद्वय क्रान्तिशिखा धिताल वा प्रकाशचन्द्र परियारलाई सोधेर मात्र संसदमा बोल्न निर्देशन दिएको हो ।
धितालले सांसदहरुको मोबाइलमा पठाएको सन्देशमा आफू वा परियारबाट बोल्ने विषय अनुमोदन गराउन निर्देशन दिएकी छन् । संसदमा बोल्नुभन्दा अघिल्लो दिन आफूहरुलाई सोध्न उनको निर्देशन छ ।
‘अबदेखि शून्य समय तथा विशेष समयमा प्रस्तुत गर्ने आफ्नो सामग्री अनिवार्य रूपमा मलाई तथा सचेतक प्रकाशचन्द्र परियारज्यूलाई एक दिन अगाडि नै पठाइदिनुहुन अनुरोध गर्दछु’, उनले भनेकी छन् ।
रास्वपा सांसदहरुले प्रतिनिधिसभाको सोमबारको बैठकमा सरकारका कामकारबाहीबारे गम्भीर प्रश्न उठाएका थिए । रमेश प्रसाईं, जगदिश खरेल (दोलखा), प्रकाश पाठक र आशिका तामाङले सरकारको आलोचना गरेका थिए ।
