- शुक्रबार, ८ साउन, २०८३
रूपन्देही, १६ जेठ-रूपन्देहीमा मोटरसाइकल दुर्घटनामा परेर एक जनाको मृत्यु भएको छ ।
लुम्बिनी सांस्कृतिक नगरपालिका–७ भैसाहीस्थित सडकमा शनिबार बिहान मंगलपुरबाट पर्सातर्फ जाँदै गरेको युपि ५५ एएच ८०९१ नम्बरको मोटरसाइकल अनियन्त्रित भई दुर्घटना भएको हो ।
प्रहरीका अनुसार दुर्घटनामा मोटरसाइकलमा सवार कोटहीमाई गाउँपालिका–५ नोउडीहवा निवासी ३५ वर्षीया श्रीभावत धोवीको मृत्यु भएको हो ।
गम्भीर घाइते उनलाई उपचारका लागि सिटी अस्पताल भैरहवा लगिएकोमा उपचारका क्रममा मृत्यु भएको प्रहरीले जनाएको छ।
दुर्घटनामा मोटरसाइकल चालकसहित थप एक जना घाइते भएका छन् ।
उनीहरूको सोही अस्पतालमा उपचार भइरहेको छ ।
