- सोमबार, ११ साउन, २०८३
काठमाण्डू, १ चैत– अन्तरिम सरकारकी प्रधानमन्त्री सुशीला कार्कीले पूर्व प्रधानमन्त्री एवं एमालेका अध्यक्ष केपी शर्मा ओली चुनावमा पराजित होलान् भनेर आफूले नसोचेको बताएकी छिन् ।
राष्ट्रिय समाचार समिति (रासस)की कालिका खड्कालाई दिएको अन्तर्वार्तामा प्रधानमन्त्री यस्तो बताएकी हुन । प्रधानमन्त्री कार्कीले चुनावमा ‘नसोचेको कुरा भएको’ बताएकी हुन ।
प्रधानमन्त्री कार्कीले भनेकी छिन्, ‘पुराना दलले पनि आत्तिनुपर्दैन । नयाँले मात्तिनु पर्दैन। हामीले पनि नसोचेको भयो । मैले त ओलीजी हार्नुहोला भन्ने सोचेको पनि थिइनँ। उहाँको ३०–४० वर्ष राजनीति गरेको ठाउँ, उहाँको इष्टमित्र सबै भएको ठाउँ हो’, ‘अन्तिममा भेट्दा मैले ओलीजीलाई भनेको थिएँ ।
राजनीतिमा कस्तो हुन्छ भने मेरा परिवारका मानिस पनि कांग्रेस छन् । वर्षभरि पार्टीलाई धारे हात लाउँछन् तर भोट दिनेबेलामा त्यसैलाई दिन्छन् । तपाईंलाई भोट दिन्छन् भनेको थिएँ । त्यस्तो होला भन्ने त मलाई पनि लागेको थिएन ।’
विपक्षीले पाएको थोरै मतलाई पनि रास्वपाले सम्मान गर्नुपर्ने प्रधानमन्त्री कार्कीले बताएकी छन् । ‘राजनीतिमा निर्वाचन नभएसम्म यो पार्टी र त्यो पार्टी हुन्छ। निर्वाचनपछि अल्पमतलाई पनि जित्नेले बेवास्ता गर्नुहुँदैन, ‘पुराना पार्टीलाई रास्वपाले सम्मान गर्नुपर्छ ।
सत्तापक्षले गलत गरेमा प्रतिपक्षले विरोध गर्नुपर्छ । राजनीति भनेको सामाजिक सेवा हो। भारतमा इन्दिरा गान्धीले त्यसैगरी हार्नुभएको थियो, पछि जित्नुभयो। नेपालका परिपक्व भएका नेतालाई जनताले बिर्सिँदैनन्। आज एउटा लहर आएको हो, भोलि अर्को आउन पनि सक्छ ।’
फागुन २१ गते सम्पन्न प्रतिनिधि सभाको निर्वाचनमा नेकपा एमालेका अध्यक्ष ओली राष्ट्रिय स्वतन्त्र पार्टीका बरिष्ठ नेता बालेन्द्र शाहसँग पराजीत भएका थिए । ओलीझापा–५ बाट निर्वाचन लड्दै आएका छन्।
