- मंगलबार, १२ साउन, २०८३
रामेछाप, १८ फागुन– निर्वाचन सामग्री बोकेको गाडी दुर्घटना हुँदा रामेछापमा एक प्रहरीको मृत्यु भएको छ ।
सदरमुकाममन्थलीबाट कालिकादेवी मावि र देउराली मावि मतदान केन्द्रका लागि कर्मचारीसहित निर्वाचन सामग्री बोकेर गएको रामेछाप नगरपालिका–२ सिरूबारीस्थित सडकबाट दुई सय मिटर तल खसेर दुर्घटना भएको हो ।
दुर्घटनामा प्रहरी सहायक निरीक्षक (असई) पर्शुराम यादवको मृत्यु भएको रामेछाप प्रहरीले जनाएको छ । दुर्घटनामा अरु ७ जना घाइते भएका छन् ।
सशस्त्र प्रहरीको विपद् उद्धार वेश खुर्कोटबाट गएको टोलीले घटनास्थलमा उद्धार गरेको थियो । घाइतेलाई उद्धार गरी उपचारका लागि जिल्ला अस्पताल मन्थली पठाइएको छ ।
