- मंगलबार, १२ साउन, २०८३
काठमाण्डू, १४ फागुन– कांग्रेस सभापति गगन थापाले ०७४ देखि यताका आठ वर्ष नेपालको राजनीतिमा दुर्भाग्यपूर्ण अवधि रहेको तर्क गरेका छन ।
आज (बिहिबार) कर्णाली प्रदेशको चुनावी सभालाई सम्बोधन गर्दै सभापति थापाले ०७२ को संविधान कार्यान्वयन गर्नुपर्ने यी वर्ष नेपालमा सरकार बनाउने र ढलाउनेमै गुज्रिएको बताएका छन ।
‘०७४ पछिको अवधि हाम्रा लागि दुर्भाग्यपूर्ण रह्यो,’ सभापति थापाले भने, ‘केबल सरकार बनाउने, सरकार भत्काउने, सरकार टिकाउने कुनै–कुनै रूपमा त्यसैको वरिपरि रहिरह्यो ।’
त्यसैका कारण संविधानमा सुनका अक्षरमा लेखिएका शब्द कार्यान्वयन हुन नसकेको उनले बताए । यो अवधिमा न मधेशको पीडा र कर्णालीको घाउ पनि थाहा नभएको उनले बताएका छन ।
‘०५२ साल ०६३र६४ सम्म कर्णालीले भोगेको हिंसाभन्दा ठुलो केही थिएन,’ उनले भने, ‘त्यो हिंसाबाट बाहिर निस्कएपछि हामीले केही न केही गर्नुपर्थ्यो । त्यो हुन सकेन ।’ अबको समय खेर फाल्ने छुट नरहेको सभापति थापाले बताए ।
‘अब २०८२ देखि ०८७ सम्मको पाँच वर्ष देश र जनतालाई हामी सबैभन्दा स्वर्णिम काल हामी बनाउँछौँ,’ उनले भने । बदलिएको कांग्रेसमा देशको उन्नतिको भोक रहेको उनले बताए । ‘पेटमा भोक छ, आँखामा सपना छ । हामी योजना बनाएर आएका छौँ, हामी सम्हालेर जान चाहेका छौँ,’ सभापति थापाले भने ।
