- बुधबार, १३ साउन, २०८३
काठमाण्डू, २० माघ– प्रधानमन्त्री सुशीला कार्कीले प्रतिनिधिसभा निर्वाचन हिमाली जिल्लामा दोस्रो चरणमा हुनसक्ने बताएकी छन ।
आज (मंगलबार) पूर्वी नवलपरासीको हात्तिखोरस्थित नेपाली सेनाको ब्यारेकमा आयोजित एक कार्यक्रममा सहभागी हुन पुगेकी प्रधानमन्त्री कार्कीले पत्रकारसँग कुराकानी गर्दै यस्तो बताएकी हुन ।
प्रधानमन्त्री कार्कीले भनिन्, ‘हिमालका जिल्लामा गाडी आउजाउ गर्ने ठाउँमा गाडीबाट मतदाता ओसारेर भए पनि निर्वाचन गर्नेबारे सरकारले काम गरिरहेको छ, अत्यधिक चिसोले सक्दैनसक्ने अवस्था आइहाल्यो भने त दोस्रो चरणमा भए पनि चुनाव हुन्छ ।’
सरकारको ध्यान निर्वाचन सम्पन्न गर्नुबाहेक अन्य नरहेको पनि उनले स्पष्ट पारिन् । यो निर्वाचन स्थायित्व र शान्ति कायम गर्न कोसेढुंगा सावित हुने पनि प्रधानमन्त्री कार्कीले बताइन ।
