- बुधबार, ६ साउन, २०८३
काठमाण्डू, २७ मंसिर– अर्जेन्टिनाका फुटबलर स्टार लियोनल मेसी शनिबार बिहान भारतको कोलकातामा आइपुगेका छन । उनीसँगै फुटबलर लुइस सुआरेज र रोड्रिगो डी पाल पनि आएका छन् ।
मेसी जीओएटी इन्डिया टुर–२०२५ अख्न्तर्गत कोलकाता पुगेका हुन् । यस दौरान कोलकाता एयरपोर्टमा मेसीको एक झलक पाउनका लागि हजारौं फ्यान पुगेका थिए ।
समाचार एजेन्सी पीटीआईका अनुसार मेसीको स्वागतका लागि हजारौं फ्यानहरू गएरातिदेखि नै कुरेर बसेका थिए । मेसी सवार विमान शनिबार बिहान २ बजेर २६ मिनेट जाँदा (भारतीय समयअनुसार) कोलकातामा अवतरण भएको थियो ।
जीओएटी इन्डिया टुर–२०२५ अन्तगर्त मेसी तीन दिन भारत बसाइँमा हुने छन् । यस दौरान उनी भारतका चार शहरको भ्रमणमा निस्कने बीबीसीले जनाएको छ । मैत्रीपूर्ण फुटबल खेल्ने, प्रधानमन्त्री मोदी, शाहरुख खान लगायतलाई भेट्ने भएका छन । १४ वर्षपछि उनी भारत आएका हुन् ।
