- शुक्रबार, १९ वैशाख, २०८२
काठमाण्डू, १९ वैशाख– आज शुक्रबार बस्ने भनिएको मन्त्रिपरिषद् बैठक स्थगित भएको छ । आज १० बजेका लागि तय गरिएको मन्त्रिपरिषद् बैठक स्थगित गरिएको प्रधानमन्त्रीको सचिवालय स्रोतले जानकारी दिएको छ ।
साथै नवनियुक्त ऊर्जा, जलस्रोत तथा सिँचाइ राज्यमन्त्री खमबहादुर गर्बुजाले आज पद तथा गोपनीयताको शपथ ग्रहण गर्ने कार्यक्रम समेत स्थगित भएको छ ।
बिहान १० बजे प्रधानमन्त्री केपी शर्मा ओलीले पद तथा गोपनीयताको शपथ ग्रहण गराउने कार्यक्रम तय भएको तर अन्तिम समयमा आएर स्थगित गरीएको स्रोतले जानकारी दिएको छ ।
