- बुधबार, २४ वैशाख, २०८२
काठमाण्डू, १७ वैशाख– कांग्रेस सांसद् खमबहादुर गर्बुजा ऊर्जा, जलस्रोत तथा सिँचाइ राज्यमन्त्रीमा नियुक्त भएका छन् ।
राष्ट्रपति रामचन्द्र पौडेलले प्रधानमन्त्री केपी ओलीको सिफारिसमा बुधबार गर्बुजालाई राज्यमन्त्री नियुक्त गरेका हुन् ।
म्याग्दीबाट निर्वाचित कांग्रेस सांसद् श्रेष्ठ सभापति शेरबहादुर देउवानिकट हुन् । उनी काँग्रेसको म्याग्दी जिल्ला सभापति पनि हुन् ।
यसअघि रामेछापबाट निर्वाचित काँग्रेस सांसद पूर्णबहादुर तामाङ (कान्छाराम) ऊर्जाराज्यमन्त्री थिए ।
नेपाल विद्युत प्राधिकरणका कार्यकारी निर्देशकबाट कुलमान घिसिङलाई बर्खास्त गर्ने र डेडिकेटेड र ट्रंक लाइन बापतको बक्यौता महसुल नउठाउन दबाब दिने प्रधानमन्त्री केपी ओली र ऊर्जामन्त्री दीपक खड्काविरुद्ध तामाङले सार्वजनिक रुपमा बोल्दै आएका थिए ।
आफूविरुद्ध बोलेकामा माफी माग्न इन्कार गरेको भन्दै ओलीले गत साता तामाङलाई बर्खास्त गरेका थिए ।
